Igl plascheir d'amprender e da scuvreir stat aint igl center ainten la nossa scola. Instruias vignan radond 170 scolaras e scolars and dus lis da scola da radond 35 persungas d'instrucziun angaschedas an pensums cumplagns e parzials. La nossa scola vign manada strategicamaintg antras igl cunsegl da scola, igl manader da scola è responsabel per la direcziun operativa. Igl scalem secundar I vign manada an model C cun dus gruppas da nivel aint igls roms tudestg, rumantsch, matematica ed engles.Per sustigneir la cumpatibladad da mastier e famiglia offerignsa a parteir dalla scoligna anfignen tigl scalem superiour ena meisa da mezde cun survigilaziun. Scolaras e scolars cun basigns spezials vignan promovias ed accumpagneas da moda integrativa. Nous ans angaschainsa per l’egualitad dallas schanzas e la varietad ainten la societad.Igls lungatgs da scolaIgl lungatg da scola an scoligna ed ainten la scola primara è rumantsch. A parteir dalla terza classa vign instruia tudestg scu amprem lungatg ester ed a parteir dalla 5. classa vign instruia engles scu sagond lungatg ester. Agl scalem superiour instrueschan las persungas d’instrucziun an tudestg e rumantsch. Las scolaras ed igls scolars da Beiva vignan instruias enqualtgi lecziun l’emda an taliang.