Cun l`introduziun digl nov plan d`instrucziun è neida midada per part la tavla da lecziuns dalla terza superioura. Da nov dattigl aint igl plan d`instrucziun mintgamai dus lecziuns «individualisaziun» e «lavour da project». L`introducziun da chels dus novs roms duessan cun «l’individualisaziun» cun las abilitads specificas digl rom (matematica, tudestg, engles) facilitar la midada dalla scola superioura ainten la scola professiunala. Da l`otra vart ins vot promover cun la lavour da project las cumpetenzas transversalas (varda la glista sot).IndividualisaziunIgl cuntign dallas lecziuns d`individualisaziun sa cumpona d`ena vart digl giaveisch da professiun digl giuvenil, dall`otra vart da sias prestaziuns an scola. Tar en discurs da basa tranter scolar/a, genitours e persunga d`instrucziun vign evaluo an tge roms da scola ni an tge part specifica d`en rom la scolara/ igl scolar vess da far progress per pussibilitar ena buna midada an la scola professiunala. Dasper la valetaziun antras la persunga d`instrucziun duvragn nous an la Scola Surses er igls resultats digl «Stellwerktest» e digl profil da professiun «Jobskills» (varda sot).Ulteriouras infurmaziunsLavour da projectDurant igls amprems meis da l`instrucziun da project vignan exercitadas capacitads transversalas e capacitads parzialas an projects pitschens e masangs an igl rom da 2 anfignen 6 lecziuns. Siva da chesta amprema fasa stat alloura la lavour da project individula da mintga scolara/scolar anfignen la fegn digl onn da scola an igl center. Chesta lavour da project vign alloura preschentada la fegn finala ad en publicum.Las scolaras/igls scolars dessan tscherner ena lavour da project tenor la devisa «rinforzar las fermezzas» e metter gronda peisa sen lour interess persunal e las capacitads existentas. Igls davos treis onns vagn nous via trasatras an la Scola Surses lavours da project fitg plaschevlas e gartagedas. Er la tematica dallas lavours era fitg vasta, uscheia tgi dava lavours practicas an las spartas musica, sport, programmar anfignen tar bleras lavours da textil, lagna e metall. Cumpetenzas transversalasCumpetenza persunala:fidanza da sasez, autonomia, plascheir da prestaziun, creativitad, flexibilitad, capacitad da reflexiun / capacitad da valetaziun persunala, capacitad da deciderCumpetenza sociala:capacitad da communitgier, capacitad da schliier conflicts, capacitad da cooperar an en team, capacitad da s’integrarCumpetenza metodica:capacitad da schliier problems, capacitad d`ager cun cleras fegnameiras, capacitad da patartger an moda structurada e cumplessiva, capacitad d`organisar la lavour e d`applitgier tecnicas da luvrar da moda precisa