La promoziun da duns è ena incumbensa da basa dalla scola publica ed antras chegl part digl svilup da l’instrucziun e dalla scola. Ella pertotga tot las scolaras ed igls scolars. I dat pero er unfants cun fitg gronds interess e grondas abilitads ed en basigns da promoziun tgi surpassa las pussebladads an classa. An chels cass dovrigl ulteriouras pussebladads da promoziun. La promoziun da talents è per scolaras e scolars, tgi èn ordavant a lour conscolaras e conscolars an en u ples camps da svilup. Las pussebladads da promover chels unfants an classa èn betg dadas. La promoziun da talents pussiblitescha agls unfants dad eir pi profond an temas tgi interesseschan els, da luvrar an agen tempo ve dad ulteriouras cumpetenzas ni livels da cumpetenzas. Las fegnameiras dalla promoziun da talents èn: promoziun digl pansar cumplex metter anturn igl potenzial cun prestaziuns e projects concrets acquist da cumpetenzas metodologicas, capacitads reflexiva ed ancunaschientschas da situaziuns sozialas La scolaziun ò li ena lecziun l’emda. Ena gruppa furman igls unfants a parteir digl 2. semester dalla 2. classa anfignen la 4. classa. Alla sagonda gruppa fon part unfants dalla 5. e 6. classa. L’annunztga succeda antras la persunga d’instrucziun an cunvignientscha cun igls genitours. Link tar la promoziun da talents digl cantun Grischun. Begabungs- und Begabtenförderung im Kanton Graubünden