Promoziun da scola integrada Pedagogas curativas e pedagogs curativs accumpognan e promovan scolar(a)s cun basigns spezials e sustignan, cunseglian persungas d’instrucziun ainten la lavour da mintga de cun lour classa. Allas directivas cantunalas Logopedia Unfants cun difficultads linguisticas vignan sustignias ed accumpagneas dalla nossa logopeda. Ella è responsabla pigls sclarimaints, cunsegliaziuns e terapias individualas da logopedia. Puncts centrals da promoziun pon esser igl cumportamaint da communitgier, la fluenza digl lungatg, da tgapeir igl lungatg, da furmar pleds e construcziun e sungs. En'annunztga per en sclarimaint antras las persungas responsablas per l'educaziun u cun lour consentimaint antras ena persunga digl rom è pussebla. La purscheida vign finanztgeida digl cumegn/digl cantung. Pigls genitours dattigl nigns costs. Allas directivas cantunalas Ulteriouras infurmaziuns dalla logopedia Instrucziun da promoziun per unfants da lungatg ester L’instrucziun da promoziun per persungas da lungatg ester sa drezza a scolar(a)s noua tgi lour amprem lungatg n’è betg identic cun igl lungatg da scola rumantsch e lour cunaschientschas digl lungatg da scola n’èn betg anc sufficiaintas per saveir suandar bagn l’instrucziun. L’instrucziun da promoziun sustigna igls unfants ainten l’integraziun e pussibilitescha la habilitad da suandar l’instrucziun ainten la classa da regla. Allas directivas cantunalas Instrucziun da sa nudar L’instrucziun per sa nudar scumainza a parteir dall’amprema classa ainfra igl urari da scola regular an ritmus da dus emdas agl bogn dalla Tga Clo. La fegnameira primara per igls unfants è da survagneir ena relaziun franca cun igl elemaint ava scu er dad evenimentar plascheir ainten e cun l’ava. Scola da musica fundamentala Igls unfants digl sagond onn da scoligna e dall’amprema classa dalla Scola Surses survignan mintg’emda instrucziun fundamentala da musica antras la Scola da Musica Grischun Central. Cotras vign sviglia e promovia tar igls unfants igl plascheir per la musica. Chesta «instrucziun fundamentala» è integrada aint igl urari da scola e la taxa da scola vign paeda digl cumegn da Surses. Daple infurmaziuns