Radond la mesadad digls cooperatours alla Festa da musica Parc Ela digls 26 da zarcladour èn stos unfants e giuvenils. Gl‘è glindesde dumang dalla sagonda davos‘emda da scola digl onn da scola 2021/22 avant las vacanzas da stad e tot è oter tgi usito. Persungas d‘instrucziun betg ancunaschaintas, novas collegas e collegs ainten las classas, otras stanzas da scola e.u.a. Aint igl rom d‘en‘emda da project sur dus scolas tgi è neida organisada digl Parc Ela, dalla scola da musica Grischun Central, dallas scolas da Val Alvra e dalla Scola Surses sa preparan radond 80 scolaras e scolars digl scalem superiour sen la Festa da musica digl Parc Ela. Er las scolaras ed igls scolars da scoligna e dalla scola primara on trano siva digl mez da matg lour canzungs per la Festa da musica. Cun canzungs e coreografia on els purto ena varietad musicala e linguistica sen la tribuna principala. Las scolas on sa concentro sen canzungs localas e tradiziunalas da lour vischnancas. Vetiers on dus chors d'unfants canto la canzung digl Parc Ela eneda igl avantmezde ed eneda scu finiziun dalla festa da musica igl sivamezde.
An diesch workshops è nia exercito, biagia e planiso. Uscheia è tranter oter sa furmada ena band da scola ed ansemen cun en rapper ed ena saltunza dad Origen Festival Cultural è neida exercitada ena performance da rap e solt. Oters scolars on gido biagier l‘infrastructura, on elaboro en program d‘unfants u on publitgia sen las medias socialas. Ena scolara digl workshop „medias socialas“ descreiva uscheia: la collavuraziun cun ils scolars e las scolaras da Casti ha plaschia bain, perquai ch’els han giu la pussaivladad dad emprender ad enconuscher auters giuvenils dalla madema vigliadetna. Durant l‘emna da project èn ils scolar s‘occupas en il differents workshops cun las differentas fasettas da la musica. Uschia èn vegnids tschiffs en tuns da la natira, glimajas vegnan tadla giu cura chellas maglian, ina preschentaziun da band u ina coreografia da rap. Naturalmaintg sto l’antira chaussa vegnida accumpagnada da las socialas medias. Ina gruppa è responsabel per la construcziun da la tribuna. La gruppa da las socialas medias è activ sen TikTok, Instagram, Facebook und Twitter. Quella gruppa era la mesemna a Cuira, els avevan la pussaivladad dad emprender ad enconuscher la firma Somedia ed Atlantiq. Tar la Somedia pudevan nus dar in fufragnadi en l’areal da radio, televisiun ed social media. Tar l’Atlantiq pudevan els intervegnir dapli sur inditgadas da reclama.